ធម៏ សូត្រមន្ត

ធម៏សូត្រមន្ត សត្តបរិត្ត

        សគ្គេ កាមេ ច រូបេ គិរិសិខរតដេ ចន្តលិក្ខេ វិមានេ ទីបេ រដ្ឋេ ច គាមេ តរុវនគហនេ គេហវត្ថុម្ហិ ខេត្តេ ភុម្មា ចាយន្តុ ទេវា ជលថលវិសមេ យក្ខគន្ធព្វនាគា តិដ្ឋន្តា សន្តិកេ យំ មុនិវរវចនំ សាធវោ មេសុណន្តុ

        ធម្មស្សវនកាលោ អយម្ភទន្តា

ធម្មស្សវនកាលោ អយម្ភទន្តា

ធម្មស្សវនកាលោ អយម្ភទន្តា

នមស្សការ

នមោ តស្ស ភគវតោ អរហតោ សម្មាសម្ពុទ្ធស្ស

នមោ តស្ស ភគវតោ អរហតោ សម្មាសម្ពុទ្ធស្ស

នមោ តស្ស ភគវតោ អរហតោ សម្មាសម្ពុទ្ធស្ស

សរណគមន៏

ពុទ្ធំ សរណំ គច្ឆាមិ

ធម្មំ សរណំ គច្ឆាមិ

សង្ឈំ សរណំ គច្ឆាមិ

ទុតិយម្បិ ពុទ្ធំ សរណំ គច្ឆាមិ

ទុតិយម្បិ ធម្មំ សរណំ គច្ឆាមិ

ទុតិយម្បិ សង្ឈំ សរណំ គច្ឆាមិ

តតិយម្បិ ពុទ្ធំ សរណំ គច្ឆាមិ

តតិយម្បិ ធម្មំ សរណំ គច្ឆាមិ

តតិយម្បិ សង្ឈំ សរណំ គច្ឆាមិ ។

សម្ពុទ្ធេ (បាលី)

     សម្ពុទ្ធេ  អដ្ឋវីសញ្ច  ទ្វាទសញ្ច  សហស្សកេ  ​បញ្ចសតសហស្សានិ  នមាមិ  សិរិសា  អហំ

     សម្ពុទ្ធេ  បញ្ចបញ្ញាសញ្ច  ចតុវីសតិសហស្សកេ  ទសសតសហស្សានិ  នមាមិ  សិរិសា  អហំ

     សម្ពុទ្ធេ  នវុត្តរសតេ  អដ្ឋចត្តាឡីសសហស្សកេ  វីសតិសតសហស្សានិ  នមាមិ  សិរិសា  អហំ 

     តេសំ  ធម្មញ្ច សង្ឃញ្ច  អាទរេន  នមាមិហំ  នមក្ការានុភាវេន  ហន្ត្វា  សព្វេ  ឧបទ្ទវេ  អនេកា  អន្តរាយាបិ  វិនស្សន្តុ  អសេសតោ  ។

មង្គលសុត្តារម្កោ (បាលី)

          យេ សន្តា សន្តចិត្តា តិសរណសរណា ឯត្ថ លោកន្តរេ វា ភុម្មា ភុម្មា ច ទេវា គុណគណគហណព្យាវដា សព្វកាលំ ឯតេ  អាយន្តុ ទេវា វរកនកមយេ មេរុរាជេ វសន្តោ សន្តោ សន្តោ សហេតុំ មុនិវរវនំ សោតុមគ្គំ សមគ្គំ សព្វេសុ ចក្កវាឡេសុ យក្ខា ទេវា ច ព្រហ្មុនោ យំ អម្ហេហិ កតំ បុញ្ញំ សព្វសម្បត្តិ សាធកំ សព្វេ តំ អនុមោទិត្វា សមគ្គា សាសនេរតា បមាទរហិតា ហោន្តុ អារក្ខាសុ វិសេសតោ សាសនស្ស ច លោកស្ស វុឌ្ឍី ភវតុ សព្វទា សាសនម្បិ ច លោកញ្ច ទេវា រក្ខន្តុ សព្វទា សទ្ធឹ ហោន្តុ សុខី សព្វេ បរិវារេហិ អត្តនោ អនីឃា សុមនា ហោន្តុ សហ សព្វេហិ ញាតីភិ យញ្ច ទ្វាទស វស្សានិ ចិត្តយឹសុ សទេវកា ចិរស្សំ ចិន្តយន្តាបិ នេវ ជានឹសុ មង្គលំ ចក្កវាឡសហស្សេសុ ទសសុ យេន កត្តកំ កាលំ កោលាហហំ ជាតំ យាវ ព្រហ្មនិវេសនា យំ លោកនាថោ ទេសេសិ សព្វបាបវិនាសនំ យំ សុត្វា សព្វទុក្ខេហិ មុញ្ចសន្តា សំខិយា​ នរា ឯវមាទគណូបេតំ មង្គលន្តម្ភណាម ហេ ។

មង្គលសូត្រ(បាលី)

ឯវម្មេ សុតំ ឯកំ សមយំ ភគវា សាវត្ថិយំ វិហរតិ ជេតវនេ អនាថបិណ្ឌិកស្ស អារាមេ អថខោ អញ្ញតរា ទេវតា អភិក្កន្តាយ រត្តិយា អភិក្កន្តវណ្ណា កេវលកប្បំ ជេតវនំ ឱភាសេត្វា យេន ភគវា តេនុបសង្កមិ ឧបសង្កមិត្វា ភគវន្តំ អភិវាទេត្វា ឯកមន្តំ អដ្ឋាសិ ឯកមន្តំ ឋិតា ខោ សា ទេវតា ភគវន្តំ គាថាយ អជ្ឈភាសិ

ពហូ ទេវា មនុស្សា ច មង្គលានិ អចិន្តយុំ អាកង្ខមានា សោត្ថានំ ព្រូហិ មង្គលមុត្តមំ

អសេវនា ច​ ពាលានំ បណ្ឌិតានញ្ច សេវនា បូជា ច បូជនីយានំ ឯតម្មង្គលមុត្តមំ

បដិរូបទេសវាសោ ច បុព្វេ ច កតបុញ្ញតា អត្តសម្មាបណីធិ ច ឯតម្មង្គលមុត្តមំ

ពាហុសច្ចញ្ច សិប្បញ្ច វិនយោ ច សុសិក្ខិត្តោ សុភាសិតា ច យា​ វាចា ឯតម្មង្គលមុត្តមំ

មាតាបិតុឧបដ្ឋានំ បុត្តទារស្ស សង្គហោ អនាកុលា ច កម្មន្តា ឯតម្មង្គលមុត្តមំ

ទានញ្ច  ធម្មចរិយា ច ញាតកានញ្ច សង្គហោ អនវជ្ជានិ កម្មានិ ឯតម្មង្គលមុត្តមំ

អារតី វិរតី បាបា មជ្ជបានា ច សញ្ញមោ អប្បមាទោ ច​ ធម្មេសុ ឯតម្មង្គលមុត្តមំ

គារវោ ច និវាតោ ច សន្តុដ្ឋី ច កតញ្ញតា កាលេន ធម្មស្សវនំ ឯតម្មង្គលមុត្តមំ

ខន្តិ ច​ សោវចស្សតា សមណានញ្ច ទស្សនំ កាលេន ធម្មសាកច្ឆា ឯតម្មង្គលមុត្តមំ

តបោ ច ព្រហ្មចរិយញ្ច អរិយសច្ចាន ទស្សនំ និព្វានសច្ឆិកិរិយា ច ឯតម្មង្គលមុត្តមំ

ផុដ្ឋស្ស លោកធម្មេហិ ចិត្តំ យស្ស ន កម្បតិ អសោកំ វិរជំ ខេមំ ឯតម្មង្គលមុត្តមំ

ឯតាទិសានិ  កត្វាន សព្វត្ថមបរាជិតា សព្វត្ថ សោត្ថឹ គច្ឆន្តិ តន្តេសំ មង្គលមុត្តមន្តិ ។

អភយបរិត្តគាថា (បាលី)

យន្ទុន្ទិមិត្តំ អវមង្គលញ្ច យោចាមនោបោ សកុណស្ស សទ្ទោ បាបគ្គហោ ទុស្សុបិនំ អកន្តំ ពុទ្ធានុភាវេន វិនាសមេន្តុ

      យន្ទុន្ទិមិត្តំ អវមង្គលញ្ច យោចាមនោបោ សកុណស្ស សទ្ទោ បាបគ្គហោ ទុស្សុបិនំ អកន្តំ ធម្មានុភាវេន វិនាសមេន្តុ

យន្ទុន្ទិមិត្តំ អវមង្គលញ្ច យោចាមនោបោ សកុណស្ស សទ្ទោ បាបគ្គហោ ទុស្សុបិនំ អកន្តំ សង្ឃានុភាវេន វិនាសមេន្តុ

ទុក្ខប្បត្តា ច និទ្ទុក្ខា ភយប្បត្តា ចនិព្ភយា សោកប្បត្តា ច និស្សោកា ហោន្តុ សព្វេបិ បាណិនោ  ឯត្តាវតា ច អ្ហេហិ សម្ភតំ បុញ្ញសម្បទំ សព្វេ ទេវានុមោទន្តុ សព្វសម្បត្តិសិទ្ធិយា ទានំ ទតន្តុ សទ្ធាយ សីលំ រក្ខន្តុ សព្វទា ភាវនាភិរតា ហោន្តុ គច្ឆន្តុ ទេវតា គតា សព្វេ ពុទ្ធា ពលប្បត្តា បច្ចេកកានញ្ចយមលំ អហន្តាញ្ច តេជេន រក្ខំ ពន្ធាមិ សព្វសោ។

រតនសុត្តារម្កោ (បាលី)

     បណិធានតោ បដ្ឋាយ តថាគតស្ស ទស បារមិយោ ទស ឧបបារមិយោ ទស បរមត្ថបារមិយោ បញ្ច មហាបរិច្ចាគេ តិស្សោ ចរិយា បច្ឆិមព្ភវេ គព្ភាវក្កន្តឹ ជាតឹ អភិនិក្ខមនំ បធានចរិយំ ពោធិបល្លង្កេ មារវិជយំ​ សព្វញ្ញុត្តញ្ញាណប្បដិវេធំ នវ លោកុត្តរធម្មេតិ សព្វបិមេ ពុទ្ធគុណេ អាវជ្ជិត្វា វេសាលិយា តឹសុ បាការន្តរេសុ តិយាមរិតឹ បរិត្តំ ករោន្តោ អាយស្មា អនន្ទត្ថេរោ វិយ ការុញ្ញចិត្តំ ឧបដ្ឋបេត្វា កោដិសតសហស្សេសុ ចក្កវាឡេសុ ទេវតា យស្សាណម្បដិគណ្ហន្តិ យញ្ច វេសាលិយម្បុរេ រោគាមនុស្សទុព្ភិក្ខ សម្ពូតន្តិវិធម្ភយំ ខិប្បមន្តរធាបេសិ បរិត្តន្តម្ភណាម ហេ​។

ជយបរិត្តគាថា (បាលី)

      មហាការុណិកោ នាថោ ហិតាយ សព្វបាណិនំ បូរេត្វា បារមី សព្វា បត្តោ សម្ពោធិមុត្តមំ ឯតេន សច្ចវជ្ជេន ហោតុ តេ ជយមង្គលំ ជយន្តោ ពោធិយា មូលេ សក្យានំ នន្ទិវឌ្ឍនោ ឯវំ ត្វំ វិជយោ ហោហិ ជយស្សុ ជយមង្គលេ អបរាជិតបល្លង្កេ សីសេ បឋវិបោក្ខរេ អភិសេកេ សព្វពុទ្ធានំ​ អគ្គប្បត្តោ  បមោទតិ សុនក្ខត្តំ សុមង្គលំ សុបភាតំ សុហុដ្ឋិតំ សុខណោ សុមុហុត្តោ ច សុយិដ្ឋំ ព្រហ្មចារិសុ បទក្ខិណំ កាយកម្មំ វាចាកម្មំ បទក្ខិណំ បទក្ខិណំ មនោកម្មំ បណិធី តេ បទក្ខិណា បទក្ខិណានិ កត្វាន  លភន្តុតេ  ប​ទក្ខិណេ ។                                                                     

តិរោកុឌ្ឌកណ្ឌំ

​​តិរោកុឌ្ឌេសុ តិដ្ឋន្តិ សន្ធិសឹង្ឃាដកេសុ ច ទ្វារពាហាសុ តិដ្ឋន្តិ អាគន្តាន សកំ ឃរំ បហុតេ អន្នបានម្ហិ ខជ្ជភោជេ ឧបដ្ឋិតេ ន តេសំ កោចិ សរតិ សត្តានំ កម្មបច្ចយា ឯវំ ទទន្តិ ញាតីនំ យេ ហោន្តិ អនុកម្បកា សុចឹ បណីតំ កាលេន កប្បិយំ បានភោជនំ ឥទំ វោ ញាតីនំ ហោតុ សុខិតា ហោន្តុ ញាតយោ តេ ច តត្ថ សមគន្តា ញាតិបេតា សមាគតា បហុតេ អន្នបានម្ហិ សក្កច្ចំ អនុមោទរេ ចិរំ ជីវន្តុ នោ ញាតី យេសំ ហោន្តុ សភាមសេ អម្ហាកញ្ច កតា បូជា ទាយកា ច អនិប្ផលា ន ហិ តត្ថ កសី អត្ថិ គោរក្ខេត្ថ ន វិជ្ជតិ វណិជ្ជា តាទិសី នត្ថិ ហិរញ្ញេន កយាកយំ ឥតោ ទិន្នេន យាបេន្តិ បេតា កាលកតា តហឹ ឧណ្ណតេ ឧទកំ វុដ្ឋំ យថា និន្នំ បវត្តតិ ឯវមេវ ឥតោ ទិន្នំ បេតានំ ឧបកប្បតិ យថា វារិវហា បូរា បរិបូរេន្តិ សាគរំ ឯវមេវ ឥតោ ទិន្នំ បេតានំ ឧបកប្បតិ​។

អទាសិ មេ អកាសិ មេ ញាតិ មិត្តា សខា ច មេ បេតានំ ទក្ខិណំ ទជ្ជា បុព្វេ កតមនុស្សរំ ន  ហិ រុណ្ណំ វា សោកោ វា យាវញ្ញា បរិទេវនា ន តំ បេតានមត្ថាយ ឯវំ តិដ្ឋន្តិ ញាតយោ អយញ្ច ខោ ទក្ខិណា ទិន្នា សង្ឃម្ហិ សុបតិដ្ឋិតា ទីឃរត្តំ ហិតាយស្ស ឋានសោ ឧបក្បតិ សោ ញាតិធម្មោ ច អយំ និទស្សិតោ បេតាន បូជា ច កតា ឧឡារា  ពលញ្ច ភិក្ខូនមនុប្បទិន្នំ តុម្ហេហិ បុញ្ញំ បសុតំ អនប្បកន្តិ ។

Download file PDF